Pangulo ng Sri Lanka darating sa bansa para sa state visit
Limang araw na mananatili sa bansa si Sri Lankan President Maithripala Sirisena.
Ito ay para sa kanyang kauna-unahang state visit sa Pilipinas.
Base sa abiso ng Malacañang, mamayang 10:50 ng gabi ang expected time of arrival ng lider ng Sri Lanka sa NAIA Terminal 3.
Bukas inaasahang magkikita si Sirisena at si Pangulong Rodrigo Duterte sa Malacañang na susundan ng bilateral meeting.
Sinabi ni Presidential Spokesman Salvador Panelo na magiging focus ng gagawing pagpupulong nina Pangulong Duterte at President Sirisena ang tungkol sa interes ng dalawang bansa na may kinalaman sa pulitika, ekonomiya, agriculture, cultural at people to people engagement.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.