2 bumbero patay sa pagsabog sa Paris, 47 sugatan
Patay ang dalawang bumbero sa isang malakas na pagsabog na naganap sa isang bakery sa Paris, France araw ng Sabado.
Ayon sa French authorities, gas leak ang sanhi ng pagsabog na kalauna’y nauwi sa sunog.
Basag-basag ang mga bintana at bumaligtad pa ang mga sasakyan sa lugar dahil sa lakas ng pagsabog.
Iniligtas ng mga bumbero ang mga biktima mula sa mga bintana at inilikas ang ilang mga residente dahil sa makapal na usok.
Samantala, bukod sa dalawang bumbero, 47 katao rin ang sugatan kung saan 10 dito ang kritikal ang kondisyon.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.