Trump ikinukonsidera ang emergency power sa pagtatayo ng US-Mexico border
Nagbabala si US President Donald Trump na gagamitin niya ang kanyang emergency powers sa pagtatayo ng US-Mexico border.
Sinabi ito ni Trump sa patuloy na pag-ipit ng Congressional Democrats sa hinihingi niyang pondo para sa nasabing border wall project na nagresulta sa dalawang linggong government shutdown.
Bukod pa ito sa pag-takeover sa kongreso ng Democratic lawmakers sa pangunguna ni Nancy Pelosi.
Nauna nang nakipag-pulong si Trump sa congressional leader sa pangunguna ni Pelosi at Senate Democratic Leader Chuck Schumer para tapusin ang partial shutdown at para makabuo ng kasunduan sa $5billion na pondo na hinihingi nito sa nasabing proyekto.
Gayunman, bigo ang magkabilang panig na magkaroon ng maayos na pag-uusap.
Sa isang panayam, sinabi ni President Trump na kinokonsidera niyang magdeklara ng national emergency para matuloy ang pagtatayo ng kontrobersyal na wall. “Yes, I have. … We can do it. I haven’t done it. I may do it … But we can call a national emergency and build it very quickly.” Ani Trump.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.