23 katao kabilang ang 7 pulis nagpaputok ng baril sa kasagsagan ng holiday season

By Rhommel Balasbas January 02, 2019 - 04:00 AM

Mahaharap sa kaso ang 23 katao matapos ang iligal na pagpapaputok ng baril sa nagdaang holiday season ayon kay Philippine National Police (PNP) Chief Director General Oscar Albayalde.

Mula December 16, 2018 hanggang kahapon, January 1, 2019, napag-alaman na sa 23 na nagpaputok ng baril, pito ang pulis, dalawa ang opisyal ng gobyerno, isa ang miyembro ng Armed Forces of the Philippines, dalawa ang security guards, isa ang law enforcement agent at 10 ang sibilyan.

Sa kanyang pahayag, tiniyak ni Albayalde na hindi kaaawaan ang pasaway na mga kawani ng gobyerno na magpapaputok ng baril sa holiday season.

Iiral anya ang batas sa lahat ng mga ito.

Samantala, umabot naman sa 97 katao ang naaresto ng PNP dahil sa paglabag sa mga batas na nagbabawal sa paggamit at pagbebenta ng mga ipinagbabawal na paputok.

TAGS:

Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.

No tags found for this post.
Your subscription could not be saved. Please try again.
Your subscription has been successful.

Subscribe to our newsletter!

By providing an email address. I agree to the Terms of Use and acknowledge that I have read the Privacy Policy.