Taiwanese government magbibigay ng tulong sa Usman victims

Ipinahayag ng Taiwanese government ang kahandaang tumulong para sa mga biktima ng pananalasa ng Bagyong Usman sa bansa.

Sa isang pahayag, sinabi ng Taiwan Economic and Cultural Office (TECO) sa Maynila na makikipagtulungan ang Taiwan sa gobyerno ng Pilipinas para ibigay ang mga pangangailangan ng mga naapektuhang mamamayan.

To help affected people overcome the adversities and promptly restore their lives back to normal, Taiwan is willing to cooperate with the Philippines by providing necessities and assistance specifically required by the affected people,” ayon sa TECO.

Ayon pa sa TECO, agad silang nakipag-ugnayan sa mga ahensya ng gobyerno para i-monitor ang pinsala at bilang ng mga nasawi dahil sa bagyo.

Ipinarating din nito ang pakikiramay sa gobyerno at mga apektadong populasyon.

“The government and people of the Republic of China (Taiwan) express their sincere cares and condolences to the government of the Philippines and people in the affected areas,” dagdag pa ng TECO.

Samantala, nakikipag-ugnayan din ang TECO sa mga kaukulang ahensya para matiyak na walang apektadong Taiwanese national sa mga lugar na tinamaan ng bagyo.

Umabot na sa 78 ang nasasawi dahil sa pananalasa ng Bagyong Usman sa bansa.

TAGS: