Isang araw lamang matapos ang pamamaslang kay Ako Bicol Party-list Representative Rodel M. Batocabe, dalawang bangkay ang natagpuan sa Daraga, Albay.
Matatandaang napaslang ang mambabatas sa naturang bayan habang pinamumunuan ang isang gift-giving event.
Natagpuan ang mga labi ng dalawang lalaki alas-9:45 ng umaga ng Linggo sa Barangay Gabawan.
Batay sa ulat ng pulisya wala nang suot na damit pang-itaas ang mga biktima at nagtamo ang mga ito ng mga tama ng baril.
Sa kabila ng insidente, naniniwala ang pulisya na walang kinalaman ang pagkakarekober sa dalawang bangkay sa pamamaslang kay Batocabe.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.