2 miyembro ng teroristang grupo sumuko sa Cotabato City
Sumuko kahapon, araw ng Linggo, sa lokal na pamahalaan ng Cotabato City ang dalawang miyembro ng isang Daesh-inspired group.
Iniharap ang 24 na taong gulang na babae at 21 taong gulang na lalaki sa alkalde ng Cotabato City na si Atty. Frances Cynthia Guiani-Sayadi.
Paliwanag ng alkalde, mga kaanak ng dalawa ang humimok sa mga ito para sumuko na.
At bukod umano sa dalawa ay mayroon pang ibang magbabalik-loob na rin sa pamahalaan sa mga susunod na araw.
Nabatid na na-recruit ang dalawa sa loob mismo ng Cotabato City.
Sa ngayon ay hawak na ng mga militar ang dalawa at isinasailalim sa imbestigasyon.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.