2 van nagsalpukan sa South Cotabato; 5 patay
Kabilang ang dalawang mga bata sa nasawi matapos maaksidente ang dalawang van sa Barangay Crossing Palkan, Polomolok, South Cotabato, kahapon.
Bukod sa mga bata ay nasawi rin ang tatlo pang mga pasahero.
Ayon kay Superintendent Aldrin Gonzales ng Soccsksargen Police Regional Office, alas-3 ng hapon nang bumangga ang isang L-300 van sa isang HiAce.
Sa ngayon ay hindi pa batid ang sanhi ng aksidente, ngunit nagpapatuloy ang imbestigasyon ng mga otoridad ukol dito.
Hindi pa muna inilalabas ng pulisya ang pagkakakilanlan ng mga nasawing biktima. Dalawa sa mga ito ang namatay sa pinangyarihan ng aksidente, habang ang nalalabing tatlo ay idineklarang dead on arrival.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.