Media vehicles bawal sa “APEC lanes” sa EDSA
Hindi pahihintulutan ang mga media vehicle na dumaan sa “EDSA APEC lanes” sa panahon ng isang linggong APEC leaders meeting.
Ito ang paglilinaw ni Philippine National Police Highway Patrol Group o PNP-HPG Chief Supt. Arnold Gunnacao.
Ayon sa police opisyal, ang mga sasakyan lamang na may license plates na “APEC 2015” ang tanging makakagamit o makakadaan sa APEC lanes.
Umapela naman si Gunnacao ng pang-unawa mula sa mga mamamahayag, maging sa publiko, dahil sa kanilang mahigpit na panuntunan para sa APEC.
Paliwanag ni Gunnacao, gusto lamang ng gobyerno na matiyak na mapoprotektahan ang mga delegado mula sa anumang posibleng security threats.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.