49 na indibidwal kinasuhan kaugnay sa nawawalang P11B na shabu sa magnetic lifters
Umabot sa 49 na indibidwal ang sinampahan ng reklamo ng Philippine Drug Enforcement Agency (PDEA) sa Department of Justice (DOJ) kaugnay sa P11-billion na halaga ng shabu shipment.
Kabilang sa respondents para sa mga kasong graft at kasong may kaugnayan sa illegal na droga ay ang mga sumusunod:
– dating PDEA Deputy Director General Ismael Fajardo
– dating Philippine National Police Anti-Illegal Drugs Group officer in charge Eduardo Acierto
– Customs intelligence officer Jimmy Guban
– Lito Pirote
– Gorgonio Necessario
– Joseph Dimayuga
– Emily Daprosa Luquingan
– Myra Tan
Maliban sa kanila, maraming iba pa ang napasama sa inireklamo ng PDEA.
Hindi naman kasama bilang respondent si dating Customs Commissioner Isidro Lapeña.
Ang mga respondent ay sinambahan ng reklamong paglabag sa Comprehensive Dangerous Drugs Act, Revised Penal Code, at Anti-Graft and Corrupt Practices Act.
May kaugnayan ang kaso sa pagkawala ng mga shabu sa apat na magnetic lifters sa Cavite.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.