PDEA: Mas mataas na konsumo sa droga asahan ngayong kapaskuhan
Minomonitor ngayon ng Philippine Drug Enforcement Agency o PDEA ang mga sirkulasyon ng droga ngayong Christmas season.
Ayon kay PDEA Chief Aaron Aquino, ngayon ay “season” o kabi-kabila ang Christmas parties.
At dahil dito, mataas din aniya ang konsumo ng mga ilegal na party drugs.
Ito ay sa kabila ng sunud-sunod na operasyon ng kanilang grupo laban sa mga nasa likod ng pagpapakalat ng iligal na droga.
Wala namang maibigay na eksaktong bilang o percentage si Aquino ukol sa pagtaas ng konsumo ng party drugs ngayong holiday season.
Pero tututukan aniya ito ang PDEA, at hindi titigil sa pag-iikot lalo na sa rave parties upang matiyak na hindi nagagamit ang mga party drug sa anumang okasyon o pagtitipon.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.