Pamplona, Negros Oriental niyanig ng magnitude 4.5 na lindol
Tumama ang magnitude 4.5 na lindol sa Negros Oriental, Linggo ng hapon.
Batay sa inilabas na impormasyon ng Phivolcs, naitala ang episentro ng lindol sa layong 16 kilometers Southwest ng bayan ng Pamplona.
Niyanig ang naturang bayang dakong 1:10 ng hapon.
May lalim itong 5 kilometers at tectonic ang dahilan.
Dahil dito, naramdaman ang Intensity I sa Dumaguete City habang Intensity II naman sa Sibulan, Negros Oriental.
Gayunman, walang napaulat na nasira sa mga ari-arian sa lugar.
Wala ring inaasahang aftershocks matapos ang pagyanig.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.