Pinay worker sa Kuwait, patay matapos tumalon sa bahay ng kaniyang amo
Patay ang isang Pilipina matapos mapaulat na tumalon mula sa bahay ng kaniyang amo sa Kuwait.
Ayon sa Department of Foreign Affairs (DFA), sinabi ng Embahada ng Pilipinas sa Kuwait na nakikipag-ugnayan na sila sa mga otoridad na nagsasagawa ng imbestigasyon sa pagkamatay ng household service worker.
Batay sa impormasyon mula kay Chargé d’Affaires Noordin Lomondot, tumalon ang Pinay mula sa ikatlong palapag ng bahay ng kaniyang amo sa Sabahiya noong araw ng Martes, November 27.
Hindi naman pinangalanan ng kagawaran ang namatay na Pinay worker.
Tiniyak naman ng kagarawan sa pamilya ng Pinay worker ang pagbibigay ng tulong para maiuwi sa Pilipinas ang mga labi nito.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.