Noche Buena items na nilagyan ng pekeng expiration date nakumpiska ng FDA sa Maynila
Aabot sa mahigit 30,000 pisong halaga ng mga noche buena item ang nasabat ng pinagsanib na pwersa ng Food and Drug Administration at National Capital Region Police Office sa Maynila.
Kabilang sa mga nakumpiska ay keso de bola, spaghetti sauce, keso, ketchup, margarine, at iba pa na ayon sa FDA ay pineke ang expiration date.
Nakumpiska ang mga produkto sa tatlong tindahan sa kahabaan ng Villalobos Street kanto ng Carlos Palanca sa Quiapo.
Sinabi ng FDA na malapit nang ma-expire ang nasabing mga produkto kaya pineke at nilagyan ang mga ito ng panibagong expiration date.
Dinala sa FDA main office ang mga nasabat na produkto para sa disposisyon.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.