Pulis at nakatakas na preso patay sa engkwentro sa Pasay City
Kapwa nasawi ang pulis na tumutugis sa isang nakatakas na preso maging ang suspek matapos magkaengkwentro ang mga ito sa Barangay 148, Pasay City.
Ayon sa mga otoridad, nakatanggap ang intelligence section ng Pasay City Police ng impormasyon tungkol sa kinaroroonan ng preso na si Marc Delemios alyas Nico.
Nakulong si Delemios matapos patayin ang isang Grab driver.
Agad na nagtungo sa lugar ang mga pulis upang arestuhin ang suspek.
Ngunit nang makita ni Delemios ang mga pulis, binunot nito ang kanyang baril at pinaputukan ang mga ito.
Tinamaan sa iba’t ibang bahagi ng katawan si Police Senior Inspector Manuel Taytayon, Jr. ngunit nakaganti pa ito ng putok na agad ikinasawi ng preso.
Mabilisang isinugod sa San Juan de Dios Hospital si Taytayonm ngunit idineklara itong dead on arrival ng mga doktor.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.