Mga Pinoy sa Italy ligtas sa pagbayo ng bagyo — DFA
Walang Pilipinong kabilang sa mga nasawi sa pananalasa ng bagyo sa Italy.
Ito ang inihayag ng Department of Foreign Affairs (DFA) batay sa datos na hawak ni Philippine Ambassador to Italy Domingo Nolasco.
Ani Nolasco, ligtas ang nasa 168,000 mga Pinoy sa Italy.
Ngunit pinayuhan nito ang mga Pilipino sa nabanggit na bansa na manatiling naka-alerto at imonitor ang galaw ng bagyo.
Kasabay nito ay nagpahayag ng pakikiramay si Foreign Affrairs Assistant Secretary Elmer Cato sa pamilya ng 29 na nasawi dahil sa pagbayo ng bagyo na nagdulot ng matinding pagbaha sa bansa.
Nananatili namang nakaalerto ang embahada ng Pilipinas sa Roma, Consulate General sa Milan, at Honorary Consulate sa Venice upang bantayan ang lagay ng mga Pinoy sa bansa.
Nakikipag-usap rin ang mga ito sa mga lider ng Filipino community sa Abruzzo, Liguria, Lombardy, Veneto, Friuli-Venezia-Giulia, at Trentino Alto Adige upang imonitor ang kanilang mga sitwasyon.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.