Truck na puno ng buhangin, bumangga sa pader ng PSG compound sa Nagtahan Bridge
Sugatan ang driver ng isang 14-Wheeler truck matapos itong bumangga sa pader ng compound ng Presidential Security Group sa Nagtahan Bridge sa Maynila.
Nagana pang aksidente, pagbaba lamang ng southbound lane ng Nagtahan Bridge.
Dahil sa aksidente, sugatan ang driver ng truck na nakilalang si Lexter Garung-24 anyos na nagtamo ng sugat at galos sa kaniyang paa at binti. Ligtas naman ang dalawang pahinante nito.
Ayon sa mga pahinante, nawalan ng preno ang truck na may plate number na RGA 728 at pag-aari ng Federico So Builders and Development Incorporated.
Sa halip na madamay ang iba pang motorist ay nagpasya ang driver na sa pader na lamang ibangga ang truck.
Nagdulot ng matinding pagsisikip sa daloy ng trapiko ang nasabing aksidente.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.