Dagdag-singil ng Manila Water sa susunod na 5 taon, aprubado na
Inaasahang mas maghihigpit ng sinturon ang customers ng Manila Water simula sa susunod na buwan.
Ito ay matapos aprubahan ng board of trustees ng Metropolitan Waterworks and Sewerage System (MWSS) ang P6.22 hanggang P6.50 kada cubic meter na rate adjustment ng Manila Water na uutay-utayin sa loob ng limang taon.
Mula Oktubre 16, 2018 ay magkakaroon na ng P1.46 per cubic meter na pagtaas sa singil sa tubig.
Susundan ito ng P2.00 per cubic meter sa Enero 2020, P2 per cubic meter sa Enero 2021 at P0.76 hanggang P1.04 per cubic meter sa Enero 2022.
Dahil dito, ang mga kumokonsumo ng mababa sa 10 cubic meter kada buwan ay may dagdag na P5.68 sa kanilang monthly bill; P9.13 para sa kumokonsumo ng 10 hanggang 20 cubic meter at P19.13 para sa 20 cubic meter o pataas ang konsumo.
Matatandaang kamakailan ay inaprubahan na rin ng MWSS ang rate adjustment ng Maynilad na aarangkada na rin simula Oktubre.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.