Estrella-Pantaleon Bridge, isinara na para sa rehab at repair
Sarado na sa mga motorista ang Estrella-Pantaleon Bridge, na nagkokonekta sa mga siyudad ng Makati at Mandaluyong.
Simula alas-otso ng umaga ng Linggo (September 23), isinara na ang nasabing tulay para sa rehabilitasyon at repair.
Ayon kay Metropolitan Manila Development Authority o MMDA Spokesperson Celine Pialago, ang pagsasaayos sa Estrella-Pantaleon Bridge ay tatagal ng tatlumpung buwan o dalawa’t kalahating taon.
Payo ni Pialago sa mga motorsista, dumaan na lamang sa alternatibong ruta o sa mga available detour.
Nauna nang sinabi ni MMDA General Manager Jojo Garcia na sisimulan ng Department of Public Works and Highways ang pag-repair sa tulay, bilang bahagi ng grant mula sa China.
Tinatayang libu-libong motorista ang maaapektuhan ng pansamantalang pagsasara ng Estrella-Pantaleon Bridge.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.