Sampung taon ang hinintay, ngayon ay nakamit na rin ng Letran Knights ang kampeonato makaraan nilang talunin sa Game no. 3 ang San Beda Red Lions sa National Collegiate Athletic Association (NCAA) Season ‘91 Men’s Basketball Finals.
Nagtapos ang score sa 85-82 na umabot pa ng overtime bago na sungkit ng Letran ang kanilang inaasam na kampeonato. Nasaksihan ng 20,158 live viewers ang nasabing laban na ginanap sa Mall of Asia Arena sa Pasay City.
Masayang-masaya naman at naluluha pa ang kanilang Head Coach na si Aldin Ayo pati ang kanilang team manager na si Pambansang Kamao Manny Pacquiao dahil sulit ang paghihirap na kanilang ginawa.
Sa pagkatalo naman ng Red Lions ay natuldukan na ang kanilang limang taong championship dynasty sa liga.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.