Cayetano: Hindi itatago ni Pangulong Duterte ang kondisyon ng kanyang kalusugan
Tagapagpakalat ng fake news.
Ganito isinalarawan ni Foreign Affairs Secretary Alan Peter Cayetano si Magdalo party-list Rep. Gary Alejano sa lubos na kagustuhang nitong maging senador.
Ito ay matapos sabihin ng kongresista na ang nakatakdang pagbisita ni Pangulong Rodrigo Duterte sa Israel ay may kinalaman sa kalusugan nito.
Ayon kay Cayetano, si Pangulong Duterte ang uri ng tao na hindi maglilihim tungkol sa kondisyon ng kanyang kalusugan.
Iginiit ng kalihim na kapag may nararamdamang kakaiba ang pangulo ay lagi niya itong isinisiwalat.
Sakali anyang totoo man ang alegasyon ni Alejano hindi pa rin ito maitatago ng pangulo dahil madaling mamomonitor ang bawat galaw ng pangulo tuwing nasa isang state visit.
Samantala, ayon kay Cayetano, nakatakdang tunghayan ndi Duterte ang paglagda sa ilang mga kasunduan sa pagitan ng Pilipins at Israel sa usapin ng trabaho, agrikultura, kalakalan, seguridad.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.