8 sasakyan nagkarambola sa Antipolo City marami sugatan
Hindi bababa sa walong sasakyan ang nagkarambola sa Sumulong Highway, Barangay Sta. Cruz, sa Antipolo, bago mag-alas dos ng hapon.
Kabilang sa mga sangkot sa aksidente ay isang dump truck, isang closed van at mga pribadong sasakyan.
May mga sugatan na nilapatan na ng paunang lunas.
Pero hindi na dinala sa ospital ang ibang biktima dahil nagtamo lamang sila ng minor injuries.
Nag-abiso naman ang lokal na pamahalaan ng Antipolo City na asahan ang mabigat na daloy ng trapiko partikular sa may Cloud 9 at Padi’s Point sa Sumulong Highway.
Inaabisuhan ang mga motorista na iwasan muna ang naturang lugar o humanap ng alternatibong ruta pansamantala upang hindi maabala.
Sa abiso, para sa mga papanhik ng Antipolo City, kumaliwa po via Blue Mountain habang sa mga pababa papuntang Masinag area, maaaring kumanan via Olalia Road.
Ang heavy vehicles o trucks ay inaabisuhan na sa may Ortigas Avenue extension muna dumaan.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.