Drug suspek patay matapos manlaban sa mga pulis sa Bulacan
Dead on the spot ang isang lalaki matapos mauwi sa engkwentro ang ikinasang drug buy bust operation ng mga otoridad sa Barangay San Roque, sa Pandi, Bulacan.
Kinilala ang nasawing tulak ng iligal na droga na si Marcelino Peña alyas Onel, 43 taong gulang na residente ng Barangay Bunsuran III sa kaparehong bayan.
Ayon sa mga operatiba ng Pandi Municipal Police, alas-12:05 ng hatinggabi nang magkasa sila ng buy bust operation laban kay Peña bilang bahagi ng kanilang isinagawang Simultaneou Anti-Criminality and Law Enforcement Operation (SACLEO) sa lugar.
Natunugan umano ng suspek na pulis ang kanyang katransaksyon, dahilan upang bumunot ito ng baril at magpaputok.
Gaumanti ng putok ang mga pulis kaya nauwi sa engkwentro ang operasyon, na nagresulta sa pagkamatay ni Peña.
Narekober ng mga otoridad mula sa pinangyarihan ng insidente ang isang hindi pa batid na kalibre ng baril at mga iligal na drogang itinitinda ng suspek.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.