IED natagpuan sa mataong lugar sa Mlang, North Cotabato
May natagpuang bomba sa isang mataong lugar sa bayan ng Mlang, North Cotabato Linggo ng hapon.
Ayon kay Supt. Bernard Tayong, ng North Cotabato police provincial office, isang kahina-hinalang bag ang iniwan malapit sa isang tindahan sa Magsaysay Avenue at nang ito ay buksan ng mga otoridad ay nakitang improvised explosive device (IED) pala ang laman nito.
Inilagay ang IED malapit sa mga pasahero na nag-aantay ng masasakyan papuntang bayan ng Tulunan.
Agad kinurdon ng mga pulis ang lugar at saka idinetonate gamit ang water disruptor. Ang IED ay ginamitan ng black powder, mga pako, mga bubog at cellphone bilang triggering device.
Ayon kay Mayor Russel Abonado ng Mlang, malinaw na nais na maghasik ng terorismo ng nag-iwan ng bomba.
Katatapos lamang ng selebrasyon sa Mlang para sa founding anniversary ng bayan
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.