No unloading streak ng MRT3 nabasag dahil sa electrical failure
Natapos na ang pinakamahabang “no unloading” streak ng MRT-3 matapos magkaroon ng technical glitch kahapon, araw ng Huwebes.
Nasa 420 na pasahero ng isang southbound train ang pinababa sa Araneta Center-Cubao station dahil sa electrical failure.
Ayon sa Department of Transportation (DOTr), nakasakay ang mga pinababang pasahero sa sumunod na tren makalipas ang 9 minuto.
Ang insidente ay nangyari matapos maitala ng MRT-3 ang pinakamatagal na panahon na walang pinababang mga pasahero na nasa 29 araw mula July 4 hanggang August 1, 2018.
Nalampasan ng record ang 28 na magkakasunod na araw na walang unloading incident na naitala mula April 24 hanggang May 21, 2018.
Kalimitang aberya sa MRT-3 ang technical glitch, dahilan kaya pinapababa ang mga pasahero at minsan pa ay lumalakad sa riles ng tren.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.