3 arestado sa buy bust operation sa Marikina
Arestado ang dalawang katao kabilang ang isang menor de edad, sa ginawang buy bust operation ng Marikina Police.
Ang mga suspek ay kinilalang sina Rouvenn Estores alyas Benok, 23 anyos; Romel Lanang, 22 anyos at isang menor de edad na nadakip sa buy bust operation ng Station Drug Enforcement Unit sa pangunguna ni Insp. Greco Gonzales sa Brgy. Concepcion Dos, Marikina City.
Nagpositibo ang mga suspek sa ginawang buy bust operation matapos makabili ng isang pakete ng hinihinalang shabu sa suspek ang isa sa mga pulis na nagpanggap na buyer.
Narekober sa mga suspek ang 8 pakete ng hinihinalang shabu, P 500 na ginamit bilang buy bust money at isang coin purse.
Sa ngayon, ang mga suspek ay nakapiit sa himpilan ng pulis sa Marikina at nahaharap sa kasong paglabag sa Sec. 26 kaugnay sa Sec. 5 at Sec. 11 ng RA 9165.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.