Pinay Youtuber posibleng kasuhan ng isang international beauty vlogger
Viral ngayon sa social media ang Pinay Youtuber na si Michelle Dy.
Ito ay matapos mag-rant at magbanta ang international beauty vlogger na si Jeffree Star na kakasuhan niya si Michelle dahil sa panggagaya nito sa kanyang “Jeffree Star approved” series sa Youtube.
Nag-ugat ang naturang isyu matapos magpost ng dalawang video si Michelle sa kanyang channel para sa bagong series na tinawag niyang “MD Approved.”
Napansin ng mga tagahanga ni Jeffree na tila ginagaya ng Pinay Youtuber ang original series ng American beauty guru at nakarating ang naturang impormasyon mismo kay Jeffree.
Nag-comment pa si Jeffree sa mismong video ni Michelle at sinabing ninakaw nito ang kanyang “Approved” series.
Aniya, ito ay gawain ng mga taong ‘boring’ at ‘unoriginal.’
Dagdag pa ng American beauty guru, naka-copyright sa Estados Unidos ang “Jeffree Star Approved.”
Tiniyak pa nito na makikipag-usap kay Michelle ang kanyang mga abogado tungkol sa isyu.
Bukod pa ito sa rants ni Jeffree sa kanyang Instagram Stories at Snapchat.
Samantala, bilang depensa ay nagpost si Michelle sa kanyang Twitter at ipinaliwanag na halaw talaga ang kanyang “MD Approved Series” sa makeup series ng American beauty vlogger.
Aniya, hindi niya alam na naka-copyright pala ang series.
Humingi rin ng paumanhin si Michelle kay Jeffree at sinabing tinanggal na niya ang “MD Approved Series” sa kanyang Youtube channel.
Pagtitiyak pa nito, hindi na mauulit ang naturang pangyayari.
Nagpasalamat din si Michelle sa lahat ng bigay sa kanya ng suporta kasabay ng nasabing intriga.
😊🙏🏼♥ pic.twitter.com/AWR5ylitji
— Michelle Dy (@michelle_dy) July 31, 2018
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.