Nananatiling prayoridad ng Kamara ang Charter Change (Cha-Cha) kahit nakadepende sa Senado kung magko-convene ang Kongreso bilang Constituent Assembly para ipanukala ang mga amyenda sa 1987 Constitution.
Ayon kay House Speaker Gloria Macapagal-Arroyo, prayoridad pa rin nila ang Cha-Cha at sa ngayon ay tapos na sila sa resolusyon para magkaroon ng Con-Ass.
Tinutukoy ni Arroyo ang House Concurrent Resolution No. 9 na layong i-convene ang Kongreso bilang Con-Ass para ipanukala ang mga pagbabago sa Saligang Batas.
Paliwanag ni Arroyo, kailangan ang dalawang kapulungan ng Kongreso kaya nasa Senado na aniya ang bola ukol sa Cha-Cha.
Pero ang Senado, iginiit na magkaroon ng hiwalay na botohan sa panukalang amyenda sa Konstitusyon.
Una nang napagkasunduan sa caucus ng mga senador na hindi nila madadaliin ang Cha-Cha.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.