Mga nakilahok sa kilos protesta sa Comm Ave. vs Duterte admin, umabot ng 15,000 katao
Mas marami ang nakiisa sa kilos-protesta laban sa Administrasyong Duterte sa Commonwealth Avenue sa Quezon City ayon kay National Capital Region Police Office Director Chief Superintendent Guillermo Eleazar.
Ipinahayag ni Eleazar na sa kanilang inisyal na pagtaya, umabot sa 15,000 ang mga rallyista kontra Duterte, habang umabot naman sa 9,000 ang mga tagasuporta ng Pangulo.
Pumwesto ang mga tagaprotesta kontra Duterte sa bahagi ng St. Peter Parish sa Commonwealth Avenue, habang ang mga tagasuporta ng Pangulo ay nag-rally sa bahagi ng IBP Road malapit sa Batasang Pambansa.
Sinabi ni Eleazar na naging maayos ang mga kilos-protesta sa ikatlong SONA ng Pangulo dahil na rin sa pakikipag-ugnayan ng mga lider ng militanteng grupo at ng mga pulisya.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.