Tila walang makapipigil sa Kapamilya actress na si Liza Soberano na tuparin ang kanyang mga pangarap bukod sa kanyang showbiz career.
Ito ay matapos mag-enroll ang aktres sa kursong BS Psychology upang simulan na ang kanyang buhay kolehiyo.
Sa pahayag na inilabas ng Southville International School and Colleges sa kanilang website ay kinumpirma nito ang enrolment ng ‘Bagani’ star na sasailalim sa INNOVE Education Solution ng pamantasan.
Sa ilalim ng programa ay papasok nang isang beses sa kada linggo si Liza para sa writtern exams, hands-on exercises at lecture discussion sa mga guro.
Bukod sa nakatakdang pag-aaral sa kolehiyo ay bumibida pa rin ang aktres sa kanyang primetime teleserye at naghahanda sa kanyang superhero movie na ‘Darna’.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.