Pangulong Duterte tinawag na anti-Christ ni Senador Trillanes
Walang duda na anti-Christ si Pangulong Rodrigo Duterte.
Ito ang naging pahayag ni Senador Antonio Trillanes IV dahil bukod sa sunod-sunod na pagbanat sa Panginoon, itinaguyod din ng pangulo ang kultura ng patayan, karahasan, kabastusan, at misogyny.
Ibig sabihin, ayon kay Trillanes, lahat ng turo sa mga bata na maging mabuting Kristyano ay binaliktad ni Pangulong Duterte.
Una rito, umani ng matinding batikos ang pangulo nang sabihin nitong estupido ang Panginoon.
Ayon kay Trillanes, makailang beses nang nagbitiw ng mga pahayag ang pangulo na anti-Church at anti-God.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.