LA Tenorio itinanghal bilang PBA Player of the Week
Nakuha ni Barangay Ginebra veteran LA Tenorio ang PBA Player of the Week award matapos ang nakakabilib na all-around game na nagresulta sa apat na sunod na panalo ng koponan sa Commissioner’s Cup.
Si Tenorio ay nag-average ng 14 points, 6.5 assists, 4 rebounds, at 4 steals sa mga panalo ng Ginebra laban sa Columbian Dyip at Alaska Aces noong nakaraang Linggo.
Gumawa si Tenorio ng 16 points, 10 assists, 3 rebounds, at 3 steals sa 133-104 win ng Ginebra kontra Columbian.
Naitala naman nito ang 12 points, 5 rebounds, 5 steals, at 3 assists makalipas ang apat na araw sa panalo sa Alaska.
Tinalo ni Tenorio ang teammate na si Japeth Aguilar; June Mar Fajardo at Marcio Lassiter ng ng San Niguel; Matthew Wright ng Phoenix; Maverick Ahanmisi ng Rain or Shine at Troy Rosario ng TNT.
Sa ngayon ay nasa 12-day break ang ang Gin Kings at balik aksyon sila sa July 6 sa laban sa Global Batang Pier.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.