Patay ang isang hinihinalang tulak ng droga matapos manlaban sa mga pulis sa ikinasang buy bust operation sa Purok Makabibihag Poblacion, Malangas, Zamboanga Sibugay.
Nakilala ang napaslang na si Amet Datu Cadi Puengan, residente ng Barangay Palalian Malangas, Zamboanga Sibugay.
Nabatid na kasama si Puengan sa drug watchlist ng Philippine National Police (PNP).
Ayon sa ulat ng PNP, nagsagawa ng buy bust operation ang tauhan ng Malangas Municipal Police Station sa Purok Makabibihag.
Gayunman, natunugan ni Puengan na pulis ang kanyang mga ka-transaksyon kung kaya agad na pinaputukan ang mga pulis.
Mabilis naman na nakaganti ng putok ang mga pulis dahilan para matamaan si Puengan.
Dinala pa si Puengan sa Wilfredo Palma Hospital sa Diplahan, Zamboanga Sibugay pero binawian din ng buhay.
Nakuha kay Puengan ang apat na sachet na hinihinalang naglalaman ng shabu, isang caliber 38 na baril, at apat na bala.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.