Sen. Drilon tutol na armasan ang mga barangay officials
Mapait sa panlasa ni Senate Minority Leader Franklin Drilon ang gusto ni Pangulong Rodrigo Duterte na armasan ang mga punong barangay sa bansa.
Aniya, sablay na polisiya na kung may mga mapapatay sa isang sektor ng lipunan at kailangan nang armasan ang bumubuo sa naturang sektor.
Paliwanag nito hindi naman uubra na kapag may pinatay na judge o prosecutor ay kailangan na silang armasan, gayundin sa mga mamamahayag.
Sinabi ni Drilon na may mahigit 42,000 punong barangay sa bansa at nakakatakot kung ang lahat ng mga ito ay aarmasan.
Giit ng senador, ang solusyon ay ang tama at maayos na pagpapatupad ng mga batas ng mga otoridad at palakasin ang criminal justice system sa bansa.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.