Villarin at Paras ipinapatawag sa City Prosecutor kaugnay ng nakawan ng cellphone
Ipinatatawag ng Office of the City Prosecutor sina Akbayan Partylist Representative Tom Villarin at Department of Labor and Employment (DOLE) Undersecretary Jing Paras.
Ito ay para sa preliminary investigation kaugnay sa inihain ni Villarin na reklamong pagnanakaw ng cellphone laban kay Paras.
Batay sa subpoena na pirmado ni Senior Assistant City Prosecutor Rodrigo del Rosario, pinahaharap sina Villarin at Paras sa mga pagdinig na may petsang July 2, 2018 at July 16, 2018, alas-9 ng umaga sa Justice Cecilia Munoz Palma Hall, Department of Justice Building, sa Quezon City Hall.
Sa akusasyon ni Villarin, ninakaw daw ni Paras ang kanyang iPhone X na cellphone sa kasagsagan ng isang hearing sa Kamara noong Marso.
Sa tulong ng CCTV, nabatid na si Paras nga ang dumampot ng celllphone ni Villarin.
Nakita rin sa CCTV na iniwan lamang ni Paras ang cellphone ni Villarin sa isa pang hearing room sa Batasan Complex.
Hinala ni Villarin, sinadyang nakawin ang kanyang cellphone upang makakuha ng impormasyon si Paras, pero nabigo ito.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.