P50K shabu nasabat sa buy bust operation sa Quezon City
Arestado ang tatlo katao kabilang ang isang babae matapos magkasa ng drug buy bust operation ang mga otoridad sa Barangay Vasra, Quezon City.
Nakilala ang mga drug suspek na sina Edgardo Abella Jr. alyas Jojo, Janice Mebrano alyas Inday, at Carlos Africa. Lahat ng mga suspek ay residente lamang sa lugar.
Ayon sa mga otoridad, narekober mula sa tatlo ang 10 medium sized na sachet na naglalaman ng nasa 11.45 gramo ng shabu at tinatayang nagkakahalaga ng P50,000, isang digital weighing scale, cellphone na kanilang ginagamit sa mga transaksyon, isang kalibre 22 na revolver, at tatlong bala.
Mahaharap ang tatlong mga suspek sa kasong paglabag sa Republic Act 9165 o Comprehensive Dangerous Drugs Act of 2002.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.