Umaasa ang Commission on Elections (Comelec) na aabot sa 75% ang voter turnout sa Barangay at SK elections na magaganap ngayong araw.
Sa datos mula sa Comelec, mayroong 78,002,561 na rehistradong botante para sa barangay polls ngayong taon.
20,626,329 sa bilang na ito ay para sa Sangguniang Kabataan habang 57,376,232 ang sa baranggay level.
Dahil sa inaasahang init ng panahon, nag-abiso ang Comelec sa milyun-milyong Filipino na inaasahang bumoto na magdala ng tubig na inumin habang naghihintay na makaboto.
Nauna nang nakipag-ugnayan ang Comelec sa Department of Health para sa paglalatag ng health desks para sa mga medical concerns ng mga botante.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.