Excise tax sa mga produktong petrolyo ipapatigil muna sa gobyerno
Ipapatapak na ni Senador Bam Aquino ang preno sa paniningil ng idinagdag na excise taxes lalo na ss mga produktong petrolyo.
Ayon kay Aquino malaki ang naiaambag ng mataas na halaga ng petrolyo sa mataas na halaga ng mga bilihin at mahal na serbisyo.
Dagdag pa nito nais din niyang maging kongkreto muna ang naipangakong ayuda ng gobyerno para maibsan ang epekto ng tax reform package.
Nagsagawa ng pagdinig ang Senate Committee on Economic Affairs ukol sa epekto ng TRAIN Law sa presyo ng mga bilihin at dito iginiit ng mga economic managers ng gobyerno na malit lang ang epekto nito sa inflation rate ng bansa ngunit aminado sila na nagtaasan ang presyo ng mga bilihin.
Para naman kay Senador Win Gatchalian sinabi nito na kailangan pa ng konting panahon para lubos na malaman ang totoong epekto ng TRAIN Law sa ating mga kababayan.
Ngunit aminado si Gatchalian na kung hindi sumabay ang mga economic managers sa pagtataya sa magiging epekto ng tax reform package ay maaaring iba ang naging posisyon ng mga senador.
Sinabi pa ni Gatchalian na depende sa magiging bagong datos sa epekto sa mga presyo ng batas ang magiging suporta nila sa ikalawang bagong pakete ng mga buwis na muling magpapasirit ng mga presyo at dagdag kalbaryo sa ating mga kababayan.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.