Isa patay sa salpukan ng AUV at 10-wheeler truck sa Nueva Vizcaya
Isa ang patay matapos magsalpukan ang magkasalubong na AUV at 10 wheeler truck sa Bambang, Nueva Vizcaya.
Nakilala ang nasawi na si Silverio Aplasa habang nakilala naman ang sugatan na pari na si Rene Caligue.
Ayon kay Senior Supt. Leumar Abugan, Provincial Director ng Nueva Vizcaya, base sa imbestigasyon, patungong Norte ang truck nang mag-a-alas-2:00 ng madaling araw kanina, nang sumalpok sa AUV.
Nabatid na kinain ng AUV na nasa southbound lane ang daan kaya nasalpok ang kasalubong na truck.
Naisugod pa sa ospital ang dalawang sakay ng AUV pero dead on arrival ang driver ng sasakyan.
Patuloy naman na ginagamot sa pinakamalapit na ospital ang pari na nasaugatan.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.