Naapula ng mga bumbero ang sunog na sumiklab sa ikaapat na palapag ng Gaisano Grand Mall sa Lapu-Lapu City, Cebu.
Alas-4:27 ng hapon ng Sabado nang magsimula ang apoy na umabot hanggang sa Task Force Alpha. Idineklara itong fireout bandang alas-8:25 ng gabi.
Ayon kay FO3 Ruffred Amores ng Lapu-Lapu City Fire Department, storage room ng mga kagamitan sa bahay at diaper ang nasa ikaapat na palapag ng nasabing mall.
Maswerte namang hindi kumalat ang apoy sa katabing gusali, at wala ring naitalang nasugatan o namatay dahil sa sunog.
Ayon pa kay Amores, ligtas ang lahat ng mga empleyado ng mall.
Patuloy pa ang imbestigasyon ng mga otoridad tungkol sa pinagmulan ng sunog at kung magkano ang kabuuang pinsala na idinulot nito.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.