2 drug suspek napatay sa engkwentro sa Laguna
Dead on the spot ang dalawang drug suspects matapos mauwi sa engkwentro ang ikinasang buy bust operation ng Biñan City Police Station sa Barangay Platero, Biñan, Laguna.
Kinilala ang isa sa mga suspek na si Jerwin Bartolazo, habang wala pang pagkakakilanlan ang kasama nito.
Ayon sa mga otoridad, natunugan ng dalawang mga suspek na pulis ang kanilang katransaksyon, dahilan upang maunang paputukan ng mga salarin ang mga pulis.
Agad na gumanti rin ng putok ang mga otoridad na nagresulta sa agarang pagkamatay ng mga suspek.
Narekober mula sa pinangyarihan ng insidente ang dalawang short firearms at isang toy gun.
Napag-alaman pa na mayroon nang dating kaso ng double murder si Bartolazo, bukod pa sa pagiging tulak nito ng droga.
Sa ngayon ay patuloy na inaalam ng mga otoridad ang pagkakakilanlan ng isa pang napatay na salarin.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.