Streetboys nagpakitang gilas para sa kanilang 25th anniversary
Dalawamput limang taon man ang nakalipas ay pinatunayan ng dance group na Streetboys na kaya pa rin nilang sabayan ang mga kabataang dancers ngayon.
Ito ay matapos nilang sorpresahin ang kanilang mga tagahanga sa pamamagitan ng isang dance video para sa kanilang 25th anniversary.
Sa video na pinost ng isang member ng grupo na si Michael Sesmundo ay makikita ang iba pang mga miyembro ng Streetboys kagaya nila Vhong Navarro, Spencer Reyes, Nicko Manalo, Danilo Barrios, at iba pa na sinasayaw ang “The Sign.”
Hindi magkakasama ang Streetboys sa nasabing video, at kanya-kanya lamang nilang kinuhanan ang mga sarili habang sinasayaw ang “The Sign.”
Nagpost naman ng throwback picture ng grupo si Jhong Hilaro sa kanyang Instagram account.
Sa ngayon ay viral na ang video at mayroon nang mahigit 47,000 reactions; 32,000 shares; at 1.3 milyong views.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.