2 drug suspect napatay sa buy bust operation sa Bulacan
Dead on the spot ang dalawang sinasabing tulak ng droga matapos manlaban sa mga elemento ng Malolos City Police sa kanilang ikinasang buy bust operation sa Barangay San Vicente, Malolos City.
Kinilala ang mga nasawi na sina Mervin Gakad at Valentin Pellego alyas Jabar, habang nakatakas naman ang kanilang kasamahang si Paquito Yamson.
Ayon sa Malolos City Police, matapos ang transaksyon ng kanilang poseur buyer at mga suspek ay akmang aarestuhin na ng mga otoridad ang mga ito. Ngunit binunot ng isa sa mga suspek ang kanyang kalibre 38 baril at pinaputukan ang mga pulis.
Dahilan ito upang gumanti rin ng putok ang mga otoridad, na nagresulta sa pagkamatay ng dalawang suspek.
Ginamit naman ni Yamson ang kaguluhan upang tumakas mula sa lugar.
Sa ngayon ay patuloy na tinutugis ng mga pulis si Yamson.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.