Maalinsangang panahon, mararanasan sa buong bansa ngayong araw
Walang namomonitor ang PAGASA na sama ng panahon sa kasalukuyan.
Ayon sa weather bureau, magpapatuloy ang maalinsangang panahon sa buong bansa bunsod ng pag-iral pa rin ng Easterlies.
Mararanasan ang bahagyang maulap hanggang sa maulap na kalangitan sa buong bansa na maaaring magdulot ng isolated thunderstorms sa hapon o gabi.
Ayon sa PAGASA inaasahan ang 34 degrees Celsius na temperature sa Metro Manila ngayon kung saan maaaring umabot ang heat index sa 38 to 39 degrees Celsius.
Pinakamataas ang temperatura na naitala kahapon sa Cabanatuan City na umabot sa 37.8 degrees Celsius, na sinundan ng Clark Airport at Ambulong Batangas sa 36.2 degrees Celsius at 36.1 naman sa Cotabato City.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.