Panalo ng Pilipinas sa international tribunal sa WPS, nais bigyan ng constitutional status sa planong ChaCha
Nais ng subcommittee ng consultative committee na binuno ni Pangulong Rodrigo Duterte para mag-review ng 1987 Constitution na bigyan ng constitutional status sa planong Charter Change ang panalo ng Pilipinas sa international tribunal kaugnay ng West Philippine Sea.
Ayon kay Panel Member Father Ranhilio Aquino, pumayag ang Subcommittee on the Country’s National Territory ng ConCom na palawigin ang Article 1 ng 1987 Constitutuon para isama ang konsepto ng soberanya.
Ang hakbang anya ay magbibigay ng constitutional status sa arbitral judgement na nagdeklara na may karapatan ang Pilipinas sa West Philippine Sea at hindi ito dapat panghimasukan.
Ibig sabihin nito ay pinipilit ng ConCom ang gobyerno na igiit ang sovereign rights sa naturang teritoryo.
Sa panukala ng subcommittee, ang naturang probisyon ng konstitusyon ay hahatiin sa dalawang seksyon at papangalanang “sovereignty over territory” at sovereign rights.”
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.