‘It’s Showtime’ pumalag sa reklamong ibinubugaw nila si ‘Pastillas girl’
Kinondena ng management ng programang ‘It’s Showtime’ ng ABS-CBN ang reklamong inihain ng womens group na Gabriela sa Movie Television Review ang Classification Board o MTRCB laban sa ‘Pastillas Girl segment ng naturang programa.
Mtatandaang ipinatatawag ng MTRCB ang pamunuan ng ‘It’s Showtime’ upang talakayin ang reklamo ng Gabriela na diumano’y pambubugaw ng palatuntunan sa tinaguriang ‘Pastilas Girl’ na si Angelica Jane Yap.
Paliwanag ng management ng ‘It’s Showtime’, unfair at iresponsable ang reklamo dahil wala namang ibang intensyon ang programa kung hindi ang ibahagi ang karanasan ni Yap sa pag-asang makakitang muli ito ng panibagong pag-ibig.
Giit pa ng programa, hindi nila pinilit si Yap kusang loob itong pumayag na isapubliko ang kanyang karanasan.
Ang ‘Pastillas Girl’ ay ang itinapat na segment ng ‘It’s Showtime’ sa sikat na kalyeserye ng Eat Bulaga ng GMA.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.