Duterte at Moro leaders nagkaharap para talakayin ang BBL
Nakipagpulong si Pangulong Rodrigo Duterte sa ilang Moro leaders sa Davao City.
Ito ay para talakayin ang Bangsamoro Basic Law.
Kabilang sa mga nakaharap ng pangulo si Moro Islamic Liberation Front chairman Al Haj Murad at Chairman Ghadzalia Jaafar at si Mohagher Iqbal mula sa Bangsamoro Transition Commission.
Sa panig ng gobyerno, kasama sa pagpupulong sina Special Assistant to the President Christopher Bong Go, Presidential Adviser on the Peace Process Jess Dureza at Secretary Adelino Sitoy.
Matatandaang noong Lunes lamang sinabi ng pangulo sa pagbisita sa Patikul, Sulu na nais niyang makausap ang Moro leaders para talakayin ang BBL at konsultahin sa isinusulong na pederalismo.
Sa ngayon wala pa namang ibinibagay na karagdagang detalye ang malakanyang kung ano ang naging bunga ng pag-uusap kagabi ng pangulo at ng moro leaders.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.