Retirement age ng uniformed personnel, nais itaas ni Duterte sa 75

By Rhommel Balasbas March 22, 2018 - 04:02 AM

 

Nais ni Pangulong Rodrigo Duterte na itaas sa 75 mula sa dating 56 ang retirement age ng mga uniformed personnel.

Sa kanyang talumpati sa graduation rites ng Philippine National Police Academy (PNPA) ‘Maragtas’ Class of 2018 sa Cavite, sinabi ng pangulo na masyadong maaga ang retirement age na 56 at lugi ang gobyerno rito.

Anya, nagbabayad ng malaking halaga ang mga Filipino sa serbisyo ng mga pulis at sundalo at hindi mababawi ang ginasta rito kung ang masyadong maaga ang retirement age.

“Do not be offended. Filipinos are spending much for you, yet you retire at the age of 56. Hindi ako makabawi,” ani Duterte.

Samantala, hinimok ng pangulo si Vice Presidente Leni Robredo na dumalo rin sa okasyon na suportahan ang kanyang panukalang ito na itaas ang retirement age sa armed services.

Hinimok din ng pangulo ang mga Muslim na maging pulis o sundalo.

Anya, hindi lahat ng Moro sa Mindanao ay mga kaaway.

Bukas ang pangulo sa pagtaas ng bilang ng mga Moro na papasok sa Philippine Military Academy o PNPA at sinabing kailangan ang mga ito ng bansa.

TAGS:

Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.

No tags found for this post.
Your subscription could not be saved. Please try again.
Your subscription has been successful.

Subscribe to our newsletter!

By providing an email address. I agree to the Terms of Use and acknowledge that I have read the Privacy Policy.