Abu Sayyaf subleader, napatay ng military sa Patikul, Sulu
Patay ang isang subleader ng Abu Sayyaf group sa nagpapatuloy na military operation laban sa bandidong grupo sa Patikul, Sulu.
Kinilala ng militar ang nasawing bandido na si Roger Samlahon, na natagpuan ang labi sa encounter site.
Sa ulat ng militar, nakasagupa ng mga sundalo ang Abu Sayyaf sa Bgy. Latih, sa Patikul tanghali ng Huwebes kaya’t nagsagawa ng artillery bombardment ang mga ito sa pinagkukutaan ng mga kalaban.
Nang umatras ang mga kalaban, dito na natagpuan ang wala nang buhay na subleader ng bandidong grupo.
Narekober rin sa lugar ang isang M203 grenade launcher at M16 rifle na pag-aari ng nagsitakas na mga miyembro ng Abu Sayyaf.
Matatandaang limang Abu Sayyaf rin ang nasawi sa opensiba ng militar sa Bgy. Panglahayan sa Patikul kahapon.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.