MRT-3, muling nakapagtala ng aberya matapos ang isang linggo
Matapos isang linggo mamahinga sa aberya, nagka-aberya ang MRT-3 sa GMA-Kamuning Station southbound dahil sa electrical failure.
Dakong 2:06 ng hapon, pinababa ang 750 pasahero dahil dito. Makalipas ang walong minuto, nakasakay naman sa sumunod na tren ang mga pasahero
Paliwanag ni Aly Narvaez, media relations officer ng MRT-3, posibleng sirang electrical sub-components ng tren ang sanhi ng aberya.
Agad namang ibinalik sa depot ang tren sa North Avenue, Quezon City para ayusin.
Ito ang unang aberya na naitala sa MRT-3 mula noong February 21.
Tiniyak naman ng pamunuan ng MRT-3 na maaasahan ng publiko ang malaking pagbabago at mapabubuti ang serbisyo nito matapos ang Holy Week, kung kailan isasailalim sa overhaul ang lahat ng tren. /
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.